Sarawak enda suntuk pengajar

KUCHING: Penanggul suntuk pengajar ba Sarawak enda kritikal tang sekeda pekara pasal endur ngajar subjek khas patut diberi perati.

Menteri Pelajar, Inovasyen Enggau Pemansang Penau Datuk Roland Sagah Wee Inn madah, pekara bekaul subjek khas tauka subjek dipilih enggau pekara pengelantang pengajar agi begunaka perati.

“Polisi kami deka meda pengajar melaki bini ngajar ba sekula ti sama. Enti ulih, kitai enggai nyerara sida.

“Ambika chunto, laki ngajar ba menua Lundu lalu bini ngajar jauh ba Lawas din,” ku iya.

Roland bejaku munyi nya lebuh nyimpul jurai opis menteri iya rambau Aum Ketiga Penggal Keterubah Kunsil Nengeri (Dun) Sarawak Ke-19 di Dun Sarawak ditu tadi.

Iya madah baru, opis menteri sida diatu udah nyapai nisbah 90:10 pengajar ari Sarawak ngajar ba menua tu.

 

Suara Sarawak