KAUL RAT AGI… Raban pemesai Sarawak Skills begambar ungkup kenang pengudah nyain MoU enggau Petronas, Mui Lee Enterprise sereta Sogwa di Miri, ditu ensanus.

MIRI: Sarawak Skills nanggam kerejasama tiga raban bekaul dikena ngemansangka pemansut enggau pemansang penau ba menua tu.

Sempekat Pemereti Ati (MoU) udah ditanggam entara Sarawak Skills enggau Petronas, Mui Lee Enterprise sereta Serakup Pengereja Minyak enggau Gas Sarawak (Sogwa).

Pengawa nyain MoU nya udah dikemata Chairman Sarawak Skills Tan Sri Datuk Amar (Dr) Abdul Aziz Dato Husain, Menijar Besai Opis Wilayah Petronas Sarawak Julaihi Mohd Mantali ti mega Mandal Chanselor Sarawak Skills enggau Sekretari Sarawak Skills Datuk Maznah Dazmi.

Direktor Eksekutif Institut Belajar Gerup Sarawak Skills Hallman Sabri enggau Menijar Kampus Sarawak Skills Pampang Miri, Ts Syuhaira Mohd Zin udah ngarika Sarawak Skills nyain MoU nya.

Pia mega, Petronas diarika Menijar Besai Kanan Petronas Carigali Sdn. Bhd.-Sarawak Asset Anuar Ismail begulai enggau Menijar Besai Petronas Carigali Sarawak Asset Zubaidi Abang Zamri.

Direktor Chew Yong Loong nyain MoU nya ngarika Mui Lee Enterprise begulai enggau Menijar Besai Julia Chew Lee San.

Chairman Sogwa, Jamal Abdullah begulai enggau Mandal Chairman Keroana Johny Weiss nyain MOU ngarika Sogwa.

Sarawak Skills ba sebengkah penerang madah, MoU nya deka ngerandang jalai industri lalu Sarawak Skills dikena ngempung penau enggau pemansang penau.

Suara Sarawak