PADAWAN: Penyandang Parlimen Puncak Borneo, Datuk Willie Mongin enggau bini iya datai ba Palan Pelilih Ngundi (PDM) SJK (C) Chung Hua Batu 15, Jalai Penrissen pukul 8.24 pagi tadi.

Pia mega, pengundi ba semak Kampung Bratan berengkah datai ba mua PDM tumu pukul 7 pagi.

PDM SJK (C) Chung Hua Batu 15, Jalai Penrissen bisi dua endur ngundi, dibuka pukul 7.30 pagi ngagai 4 lemai.

KAMI UDAH… Willie enggau bini iya mantaika tunjuk kelai udah ngundi.

Parlimen Puncak Borneo bisi 87 PDM, 22 PDM di Serumbu, 32 PDM di Mambong enggau 33 PDM di Tarat.

Parlimen Puncak Borneo bisi79,969 ari 79,150 pengundi bukai, 817 pengundi ari raban polis enggau bini tauka laki sida lalu dua iku pengundi menua luar.

Parlimen Puncak Borneo bepadan tiga penjuru entara chalun GPS Datuk Willie Mongin, chalun Pakatan Harapan (PH) Diog Dios enggau chalun Parti Sarawak Bersatu (PSB) Iana Akam.

Suara Sarawak