LINGGA: Pengawa ngubah baru nama Pengerami Lingga ngagai Regata Lingga nentuka pengerami besai nya dipasuk ba Kalinder Dagang Temuai Sarawak.

Adun Lingga, Dayang Noorazah Awang Sohor madah, Pengerami Lingga (diatu Regata Lingga) nya aktiviti ninting taun dikena ngelakuka pelilih tu ngagai komuniti luar.

“Alhamdulillah, taun tu Pengerami Lingga diangkatka baru ngena nama Regata Lingga ngambi dipasuk ba Kalinder Dagang Temuai Sarawak,” ku iya.

TEPA… Dayang Noorazah nerima tepa ari Datuk Amar Jaul Samion ba Pengawa Nangguhka Regata Lingga 2022 ba Pasar Lingga, kemari.

Noorazah mansutka jaku nya ba Pengawa Nangguhka Regata Lingga 2022 ba Pasar Lingga, kemari.

Ku iya, Regata Lingga taun tu nerima mayuh penyereta iya nya 38 tim ari selampur Sarawak.

“Ukai semina dipasuk peranak besemak dia, tang mega dipasuk tim ari Saratok, Sebuyau, Tambak, Pusa enggau ke bukai.

“Aku chukup muji bala penyereta lalu insya-Allah, regata ke deka diatur dudi hari semampai dikemanah kelebih agi ari sukut fasiliti,” terang iya.

Ba Regata Lingga, urung 5,000 iku udah ngerichahka pengerami pengelama tiga hari nya berengkah ari Hari Lima tu tadi.

Suara Sarawak