KUCHING: Peranak menua tu dilalau enda jampat tepejuh nerima peluang gawa ngagai menua luar ti ngujungka sida ditipu.

Sapit Menteri Besai Datuk Seri Fadillah Yusof madah, rayat Malaysia kelebih agi ba Sarawak dilalau bejimat ba semua peluang gawa ti bisi dikunsi sebelah media rama.

Ambika chunto ku iya, mesti bejimat enti nerima jaku gerah pasal pengawa puang dikunsi ba Whatsapp, Telegram, Instagram, TikTok enggau ke bukai ti apin ditemu pengamat.

BEKUNSI CHERITA… Fadillah (duduk, dua kanan) enggau bala nembiak ti ditipu gawa ba Arab Saudi di sebuah hotel ditu tadi.

“Sehari tu (kemari) aku betemu enggau tujuh nembiak ari sitak Parlimen Petra Jaya enggau Santubong ti ditipu dibai gawa ba Arab Saudi nengah gerah Telegram.

“Lebih sinu, sida diasuh gawa ‘Online Kasino’ ba makit Malaysia lalu nadai dibayar gaji lebuh gawa din,” ku iya.

Fadillah bejaku munyi nya ba aum pemberita pengudah berandau enggau tujuh nembiak ti ditipu gawa ba Arab Saudi ba sebuah hotel ditu tadi.

Suara Sarawak