ANWAR IBRAHIM

PUTRAJAYA: Jemaah Menteri setuju mutung gaji sida 20 peratus ninting bulan, ku Menteri Besai Datuk Seri Anwar Ibrahim.

Ku iya, pemutus nya digaga ari penyiru raban Kabinet ti betatika penusah ditapi rayat diatu.

Anwar madah, pengawa mutung gaji nya deka dipejalai perintah nyentuk ekonomi menua pulai suman.

“Enti ekonomi suman ba timpuh tiga taun, kitai deka beratika baru mih… pengawa mutung gaji endang enda patut tang aku meri terima kasih ngagai raban Kabinet laban setujuka pekara nya.

“Bisi orang madah, patut Anwar enggai ngambi gaji Menteri Besai laban iya ngambi gaji Menteri Wang… salah nya, gaji siti aja,” ku iya.

Anwar mansutka jaku nya ba aum pemberita pengudah betuaika Aum Khas Keterubah Kabinet Perintah Penyerakup tadi.

 

Suara Sarawak