ANDAL… Khirudin mantaika perambu rambau aum pemberita Program Apresiasyen JBPM Nengeri Sarawak Taun 2022 ditu

KUCHING: Opis Bomba enggau Penyah Penusah Malaysia (JBPM) Nengeri Sarawak udah mantaika perambu numbuhka lima buah Balai Bomba enggau Penyah Penusah (BBP) tambah serata Sarawak.

Direktor JBPM Datuk Khirudin Drahman Hussaini madah, lima buah endur diperambu numbuhka BBP kategori D nya ba Julau, Lubok Antu, Dalat, Sungai Asap enggau Batu Kawa.

“Keretas kereja numbuhka balai baru tu udah dianjung ngagai raban bekaul lalu diatu kami agi nganti pemutus baikka pekara nya dikemendar tauka enda.

“Perambu tu datai ari pansik senentang pekara pengelikun enggau endur ti patut ti udah dikelala kami ngelama tu,” ku iya.

Khirudin mantaika perambu nya rambau aum pemberita Program Apresiasyen JBPM Nengeri Sarawak Taun 2022 .

Suara Sarawak