Datuk Salahuddin Ayub

KUCHING: Sepemanjai timpuh Skim Nyaga Rega Barang Musin Pengerami (SHMMP) Krismas 2022 semina siti atur undang-undang dipejalai ngagai pedagang ketegal enda engkah tanda rega khas bechura kalas.

Menteri Dagang Dalam Menua Enggau Belanja Idup (KPDN) Datuk Seri Salahuddin Ayub madah, SHMMP Krismas 2022 ti berengkah kena 23 nyentuk 27 Disember ngerintaika 11 bansa barang ti dijaga.

“Kenyau SHMMP tu dipejalaika opis menteri udah mujur meresa 3,255 premis dagang serata menua mungkur 58 premis orang tengah enggau 3,197 premis renchit.

“Sepanjai timpuh nya mega nadai ripot diterima opis menteri bekaul salah guna SHMMP Krismas 2022,” ku iya dalam siti penerang media tadi.

Ku iya, kenyau skim nya berengkah dipejalai, bala pemesai, raban enggau pengereja pengawa ari opis menteri matau palan strategik baka palan bebeli barang, pasar besai enggau premis bukai.

Iya madah, strategi nya dipejalai awak ulih matau peguna enggau orang dagang rambau musin pengerami lalu ulih meri timbal jampat nyema bisi ripot ari bala penguna.

“Kelimpah ari nya, bala pemesai mega bisi ngiri penemu, pelajar, lalau enggau gerah ngagai mensia mayuh ti bebeli barang awakka sida ulih ngaga pemutus meli barang enggau meruan.

“Nitihka pejalai matau KPDN enggau timbal mensia mayuh, SHMMP Krismas 2022 lanchar sereta mujur,” ku iya.

Suara Sarawak