KUCHING: Penyampau kangau ngenyit ari Opis Bomba enggau Penyah Penusah Malaysia (JBPM) Nengeri Sarawak nurun 30 peratus iya nya 9,875 dibanding 14,053 ba taun 2021.

Kangau mantu ngidupka nyawa ngerikod penyampau pemadu tinggi iya nya 8,059 kangau naka 28 Disember, udah nya kangau angus ti bisi 1,816.

Kelimpah ari nya, kangau pengawa khas bisi 627 seraya semilan kangau bula.

NERANG… Khirudin madahka rayat nyau majak sedarka pemesai guna kangau ngenyit.

Direktor JBPM Nengeri Sarawak Datuk Khirudin Drahman Hussaini madah, penyampau kangau ngenyit dirikod nya kelai rayat majak sedar lebuh napi isu pengelikun.

“Pengawa ngaul mensia mayuh baka meri penyedar nyengkaum raban indu enggau nembiak udah meri asil manah.

“Timbal ari rayat empu pemadu beguna. Nya alai, lebuh bisi penerang berita manah, nyengkaum advokasyen bah dipejalai, dia sida enda kelalu bepanggai ba bomba,” ku iya.

Khirudin bejaku munyi nya rambau aum pemberita Program Apresiasyen JBPM Nengeri Sarawak Taun 2022 ditu, tadi.

Ku iya, nya mega ngelaika rayat Sarawak nyau ulih ngatika diri lebuh mutarka penusah enggau pekara bukai.

Suara Sarawak