SIBU: Sukung Parti Pesaka Bumiputera Bersatu (PBB) meri pemujur Gempung Parti Sarawak (GPS) ngerampas baru penuduk Parlimen Selangau ari penyakal rambau Pengawa Bepilih Besai Ke-15 (PRU-15).

Pekara nya diaku Kaban Parlimen Selangau Edwin Banta empu, chalun GPS-Parti Rayat Sarawak (PRS) dia lebuh bejaku ba Pengerami Makai Lemai Begulai Raban Parti Pampang Dun Tamin ditu malam kemari.

Ku iya, enti nadai sukung tegap ari PBB, mar iya napi parti penyakal maya nya.

TERIMA KASIH UDAH NYUKUNG… Edwin begambar enggau bala kaban PBB Pampang Tamin ti betuaika Meyu (dua kanan) rambau pengerami nya.

Edwin madahka PBB Pampang Tamin diatu bisi 5,000 iku raban lalu nyadi kebuah iya nyapai penyulut rambau pengawa bepilih nya.

“Enti nadai sukung kita, aku engka napi pemar laban aku ngasaika orang ti dilaban tu endang kering.

“Enti nadai PBB mega, aku engka enda ulih menang tauka bulih majoriti besai,” ku iya.

Suara Sarawak