MIRI: Sepenyampau 40 iku staf Kaunsil Pelilih Marudi ari bemacham seksyen udah ngulu licha pengelikun penusah angus enggau nunjukka chara ngena kereban pengerara api.

Penguasa Bomba Kanan II, Iskandar Aus madah, staf Kaunsil Pelilih Marudi udah diterang pasal chara nyaga kedai, atur pengelikun kangau ngenyit bomba enggau ke bukai.

PENEMU BARU… Siku ari staf Kaunsil Pelilih Marudi nguji ngerara api ngena kereban pengerara api ba laman opis nya, Hari Tiga tu tadi.

“Staf mega diberi peluang ngerara api ba tugung kayu ngena kereban pengerara api.

“Ari perati kami, sida udah nemu chara ngena kereban pengerara api,” terang iya.

Program ti diatur pengelama dua jam berengkah 2.30 nyentuk 4.30 lemai nya udah dipejalai sekeda raban ari Balai Bomba enggau Penyah Penusah (BBP) Marudi.

Suara Sarawak