KUCHING: Teperasa meda gaji 1,000 dolar (RM4,000), Syed Azwan Wan Abdul Karim, 20 enda nyangka diri ditipu sindiket gawa ba Arab Saudi.

Syed asal ari Kampung Sungai Midin madah, keterubah nerima jaku gerah ba Telegram sida dibai gawa ba Dubai.

“Sida mai tama dalam ‘group’ Telegram lalu mai gawa di Dubai enggau gaji 1,000 dolar sebulan lalu bisi komisen enti kereja manah.

Syed Azwan Wan Abdul Karim

“Maya nya kami enda nemu kereja nama ti deka diadu, semina sida madah udah datai din baru nemu,” ku iya lebuh dirandau pemberita pengudah betemu Sapit Menteri Besai Datuk Seri Fadillah Yusof ba sebuah hotel ditu tadi.

Ku iya, sida diperinsa makai telu manuk sigi enggau ruti paun sekepin sehari kelimpah makai asi enggau manuk guring lemai hari aja.

“Kekadang enda diberi makai kami sebuat, lebuh kami madahka diri deka pulai ke menua, sida madah enti deka pulai mesti mayar RM50,000 dulu.

“Kereja ari pukul 7 pagi nyentuk pukul 1 dinihari lalu nadai kala diau. Sekumbang tiga bulan diau din, kami sebuat semina ulih telefon ngagai apai indai seminggu sekali lalu timpuh bejaku semina lima minit aja,” ku iya.

Suara Sarawak