Anwar Ibrahim

KUCHING: Perintah Besai deka meri agih belanja tambah dikena nambahka tikas pengelikun enggau perengkaguna ba adan menua enggau Indonesia.

Menteri Besai Datuk Seri Anwar Ibrahim madah, Opis Menteri Wang udah ngemendarka agih belanja tumu RM1 bilion ungkup pekara pemun pasal adan menua nya.

“Ba randau aku enggau Presiden Indonesia Joko Widodo bisi nyebut pasal Indu Mengeri (IKN) Nusantara ti semak endar enggau Sarawak lalu sekeda semak Sabah.

“Nya alai kitai deka meri agih belanja tambah dikena nyikap Kompleks Kastam, Imigresyen enggau Kuarantin Sarawak (CIQS), negapka pekara pengelikun enggau perengkaguna,” ku iya.

Anwar bejaku munyi nya rambau aum pemberita pengudah nguluka Aum Matau Pejalai Randau Sempekat Malaysia 1963 (MA63) di Dun Sarawak ditu tadi.

Ku iya, pekara pengelikun adan menua mungkur kaul raban polis enggau soldadu menua ngaul perengkaguna baka ngaga jalai rti meruan.

“Opis Menteri Wang udah ngemendarka agih belanja tumu RM1 bilion ngambi semua pengawa ti patut ulih dipejalai enggau lengkas,” terang iya

Suara Sarawak