PUTRAJAYA: Menteri Besai Datuk Seri Anwar Ibrahim kemari mantaika penemu Malaysia Madani nyadika lalau iya ngemudi enggau ngangkatka baru penuduk sereta pegari nama menua ba mata dunya.

Madani bepuguka enam pekara iya nya ‘keMampanan, kesejAhteraan, Daya cipta, hormAt, keyakiNan enggau Ihsan’ tauka ba jaku Iban, Pemeruan, Pengelantang, Penau Nengkebang, Basa, Pengandal enggau Pengasih.

Lebuh nibarka penemu Ngemansangka Malaysia Madani ditu tadi, iya meransang semua raban kelebih agi bala menteri enggau pengereja pengawa opis perintah narak enggau ngemeran Madani ba pengawa sida.

Anwar Ibrahim

“Aku bisi pengandal besai Malaysia tu ulih diangkat baru ba mata dunya, kitai enggaika nama Malaysia kamah ketegal ulah enda menuku enggau penyarut.

“Menua Madani ngangkat penuduk menua ngambi dikelala enggau dipebasa nyadi menua ti lantang, bantaika pengering kitai tu,” ku iya.

Sama datai kededua Sapit Menteri Besai, Datuk Seri Dr Ahmad Zahid Hamidi enggau Datuk Seri Fadillah Yusof sereta bala menteri Kabinet.

Suara Sarawak