Dr Stephen Rundi Utom

KUCHING: Raban orang bumai ba Sarawak diperansang ngubah runding betanam betupi chara asal lalu nerima teknologi moden enggau baru dikena ngemansangka pengawa sida.

Menteri Industri Pemakai, Komoditi enggau Pemansang Kandang Menua, Datuk Seri Dr Stephen Rundi Utom madahka opis menteri sida keran meransang raban orang bumai ngena enggau ngemeranka teknologi baru.

Ku iya, teknologi nya deka mai untung besai enggau asil mayuh agi ngagai raban nya.

“Kita mesti berundingka utai ti ngasuh untung lalu asil pengawa dikereja dikena ngulihka duit ringgit.

“Semina siti jalai aja, berubah enggau nerima teknologi baru,” ku iya rambau Bengkel Pengelikun Pemankai Sarawak-Belanda Terubah ti dipenyadika Premier Sarawak Datuk Patinggi Tan Sri Abang Johari Tun Openg ba Hotel Pullman ditu kemari.

Suara Sarawak