NADAI DAYA…Rumah Bujang 39 pintu angus 80 peratus, pagi tadi.

LIMBANG: Sebuah rumah panjai ba Rantau Kerian, Kampung Medamit angus, kemari.

Penusah angus tu nyaadi ba Rumah Bujang ti ngembuan 39 pintu urung pukul 6.40 pagi tadi.
Pala Operasyen Bomba Sarawak amdah, sida udah nerima ripot pasal penusah angus nya pukul 6.48 pagi sebedau ngerah raban sida ngesah penusah nya.

“Datai ba endur nya, bomba nerima penerang api udah ngangusk” 80 peratus rumah panjai 39 pintu nya.
“Api dipelaba mau ari pintu ke 36 lalu kami udah ngerara api ngena ai ari tangki entukar bomba.

“Kami mega ngena ai ari tangka ba rumah panjai nya kelimpah ngena chara ‘relay pumping’ ari pegung besemak,” ku iya.

Pengari nya madah, bomba napi pemar madamka api laban nadai paip bomba semak nya.
Ku iya, rumah panjai nya pemesai 780 x100 kaki persegi.

“Naka diatu, nadai penusah bakal tauka bebadi nyawa diripotka ketegal penusah rumah panjai angus tu,” terang iya.

Suara Sarawak