KUCHING: Sarawak udah nyapai mayuh penyulut ba taun 2022 asil penegap politik enggau penyerakup rayat pupu bansa ti teguh ba menua tu.

Premier Sarawak Datuk Patinggi Tan Sri Abang Johari Tun Openg madah, mayuh udah ubah ti nyadi sepemanjai taun 2022 kelimpah penyulut ti dijapai menua.

“Enda berasai setaun udah kitai ba taun 2022, enti dikenang, mayuh utai ti nyadi enggau utai ti dijapai kandang setaun ti udah.

Abang Johari Tun Openg

“Pengerekai Covid-19 nurun, nengeri benung bebendar nyumanka ekonomi kelimpah ngerembaika pemansang ti udah diperambu.

“Tu nyengkaum projek ngaga semua perengkaguna pemun baka jalai alun, bekal kuasa karan, bekal ai enggau ke bukai,” ku iya.

Abang Johari bejaku munyi nya rambau Pengawa Ngintu Taun Baru 2023 di Stadium Perpaduan Kuching ditu, malam tadi.

Suara Sarawak