Abang Johari Tun Openg

KUCHING: Premier Sarawak Datuk Patinggi Tan Sri Abang Johari Tun Openg minta Perintah Besai numbuhka palan riman ba Sarawak.

Ku iya, perambu nya deka ngena belanja besai tang perintah wilayah sedia meri jali belanja dulu ngagai Perintah Besai numbuhka palan nya.

“Aku deka meri sadang penemu ngagai Perintah Besai numbuhka palan riman ditu.

“Projek tu begunaka belanja besai, nya aku nemu. Engka ungkus nya manggai RM800 juta nyentuk RM1 bilion.

“Taja pia, kitai ulih meri belanja dulu dikena numbuhka palan tun gena belanja Sarawak.

“Ke bukai nya, Opis Menteri Pengerai (KKM) tau mantu ari sukung lutur enggau kereban lalu kami ulih mantu ngaga begunan tu,” terang iya.

Abang Johari mantaika sadang penemu nya lebuh bejaku ba Pengerami Makai Lemai Ngintu Genap Taun Ke-20 Palan Tungkul Sengayuh Sarawak ba Kunsil Nengeri ditu, Hari Satu tu tadi.

Iya madah, pekara bekaul ngatur belanja nya tau dikerandau dudi entara Perintah Sarawak enggau raban KKM.

Suara Sarawak