ARTIKEL

21 iku Pati ditemu belalai ba sebuah tembawai kilang

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SERIAN: Urung 21 iku kampar datai nadai pemendar (Pati) ditemu belalai ba belakang sebuah tembawai kilang di Kampung Entubuh lalu sida nya nguji tama nengah jalai chit ba Kampung Mongkos lalu udah diburu pulai baru ke Indonesia.

Komander Briged Pasukan Gerakan Am Sarawak Asisten Komisioner Saini Bongkek madah, semua sida nya nyengkaum 14 individu lelaki enggau tujuh indu.

Kenu ku iya, semua saspek ditan asil ari penerang ke diterima ari peranak menua nya pengudah tepedaka seraban orang begelumu ba belakang kilang di genturung pendiau sida.

“Kena Hari Tiga tu tadi urung pukul 7.15 pagi Raban Khas Skuadron Perisai 11 tetemuka 12 lelaki enggau empat indu nyelai pendiau dipeda rerigau ba belakang kilang di Kampung Entubuh Jalai Serian-Tebedu.

“Udah nya, pemujur ti kedua sida nangkap lima pati nyengkaum dua lelaki enggau tiga wanita maya nguji tama Malaysia nengah jalai chit di ladang sawit Kampung Mongkos urung pukul 10.30 malam ensana,” ku iya ba sebengkah penerang.

Ku iya, semua Pati nya ngaku tama ke Malaysia nengah jalai chit kelimpah puntang mandangka dokumen pengelala maya dipansik tim operasyen.

Nya alai, ku iya semua sida nya udah diburu pulai baru ke menua Indonesia nengah jalai ke sama dikena sida rembus kitu.

Tandu iya maya operasyen nya nadai sebarang ulah kasar digaga dikena nentuka semua sida nya likun pulai baru ke menua asal.

Kes dipansik nitihka Seksyen 6(1) Akta Imigresen 1959 enggau Akta Pencegahan dan Pengawalan Penyakit Berjangkit 1988.

BERITA LAIN

BERITA TERBARU

Projek naik taraf lima jalan di Meradong siap

BINTANGOR: Penduduk lima penempatan di Meradong kini menikmati kemudahan yang lebih selesa apabila pelaksanaan lima Projek Mesra Rakyat (PMR) membabitkan kerja baik pulih jalan raya