22 Julai kelai Sarawak ulih dijaga Sarawakian

Haribulan 22 Julai tu kelai besai Sarawak suba ulih dijaga lalu dipegai Sarawakian, ku Adun Serumbu Miro Simuh. Iya madah, hari nya patut nyadika lalau ngagai anak Sarawak kitai ulih merintah menua diri.

Ku Miro madah, agi mayuh pekara ti patut dipejalai ungkup rayat ba menua tu.

Pejalai neruska singkang pemansang deka dipejalai ba tiap sitak nengeri tu.

Pia mega ku Miro, kitai ti nyadi rayat Sarawak patut seruran ngemeratka penyerakup ngagai komuniti pupu bansa enggau pengarap.

Nambahka nya ku iya, penyerakup enggau pengelantang tu ngasuh Sarawak tu nyelai enggau tampak rita ba mata dunya.

Miro Simuh

“Aku ngarapka rayat ti sayau enggau rinduka menua Sarawak deka majak betambah.

“Aram sama kitai enggau Kepala Menteri Sarawak ngemansangka Sarawak ngambi makin maju enggau lantang,” ku iya madah ngagai Suara Sarawak.

Berebak enggau nya ku Miro, sitak Serembu penyauh 30km ari mengeri Kuching seruran ampit ngasaika pemansang bekaul perengka guna tauka pekara pasal pengarap.

Iya mega madah, peranak ba sitak Serembu beterima kasih laban penyiru perintah meri pemansang ti meri pengelantang ngagai peranak dia.

Kelimpah ari nya ku Miro, agi mayuh pemansang ti deka diberi ngagai rayat, kelebih agi pemansang ekonomi dikena mantu nyungkak penatai pemisi sida.

Semua program enggau pemansang deka diperambu enggau disediaka ungkup pemaik rayat.

Suara Sarawak