ARTIKEL

22 Julai meseti dipasuk dalam bup teks Sejarah

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MUKAH: Haribulan 22 Julai ti nyadi Hari Merdeka Sarawak patut diengkah lalu bulih penuduk ti engkeman dalam bup teks Sejarah ngambi dipelajar anak Malaysia kelebih agi Sarawak.

Menteri Pemansang Indu, Nembiak Mit enggau Pengelantang Komuniti, Datuk Seri Fatimah Abdullah madah, haribulan nya jarang ditemu dalam bup teks Sejarah enda baka 31 Ogos enggau 16 September.

“Ukai semina haribulan 22 Julai aja tang Sempekat Malaysia 1963 (MA63) mega agi kurang dalam silibus pelajar.

“Nya alai, kitai patut begempung mantaika pekara tu ngagai Perintah Besai kelebih agi Menteri Pelajar (KPM).

“Kebuah pia ngambi KPM mansik baru topik dalam bup teks ti nyerita senentang sejarah Malaysia kelebih agi haribulan beguna ngambi dikeingat bala anak kitai,” ku iya.

Fatimah mansutka jaku nya rambau Program Ngelanchar Kembara Sarawak Merdeka Bagi Menua Mukah beserimbai Pengerami Ngintu 60 Taun Sarawak Merdeka ba Balai Suarah Mesra ditu, kemari.

Ku iya, ari sukut pelajar, mayuh inisiatif dipejalaika perintah ngambi bala anak kitai bulih pelajar ti patut.

“Perintah endang ngemerat pekara pelajar laban tu endang pekara pemun ungkup bala anak kitai nyengkaum orang nyelai pendiau (OKU).

“Enti nadai pelajar, pedis kitai deka nyadi sapa kitai kemaya hari tu laban pelajar meh ti ngubah ekonomi rama enggau status kitai,” terang iya.

Nya alai, iya muji inisiatif komiti pengatur ba Bagi Menua Mukah ti ngaga Eksibisyen Digital laban ngembuan langgur enggau atur ungkup sekeda raban.

“Eksibisyen ti diatur tu dikena bekunsi enggau rayat senentang pemansang ti udah, benung enggau deka dipejalai ba selampur Sarawak.

“Juluk perintah bejalaika konvoi enggau eksibisyen tu dikena madah ngagai semua rayat Sarawak senentang sejarah sereta pemansang meruan ti udah dijapai enggau dipejalaika perintah.

“Tu meh peluang berega kitai nemu pekara ti nyadi ba menua kitai tu lalu ngarap rayat ngembuan penaluk ti besai ngagai Sarawak pengudah meda ubah pemansang ari suba nyentuk diatu,” terang iya.

Kelimpah eksibisyen digital, bisi meda Mukah Kitchen diatur dikena meri peluang ngagai raban indu enggau pedagang mit nyungkak penatai pemisi.

“Raban opis menteri kami negap raban indu nengah pengawa dagang, nya alai, perintah meri belanja ngagai sida dikena ngepun dagang diri enggau ti bukai.

“Diatu, raban indu ulih bediri ba kaki diri empu baka orang lelak,” ku iya.

Iya ti mega ADUN Dalat ngelalau rayat ngambi terus begempung sereta enda ngemendar sebarang pekara ti ulih mambarka penyerakup ba menua tu.

“Kitai deka nempa Sarawak nyadi chunto penyerakup, pengelantang enggau pengelikun lalu ari tu meh kitai ulih nyapai status Sarawak maju manggai taun 2030.

“Aram kitai begulai nempa Sarawak maju lalu ngembuan penatai pemisi besai manggai ba taun 2030,” ku iya madah baru.

Fatimah beterima kasih ngagai bala penyereta konvoi lalu nya sebengkah peneleba berega laban sida ulih meda pemansang, adat enggau main asal sesebengkah komuniti ba sekeda endur.

Sama datai, Sapit Menteri Ekonomi ti mega Kaban Parlimen Mukah, Datuk Hanifah Hajar Taib, ADUN Tellian, Royston Valentine sereta Residen Bagi Menua Mukah, Kueh Lei Poh.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU