250 iku masuk program AgriCOP di Ng Jagoi 

KANOWIT: Lebih 250 iku masuk program AgriCOP diatur Opis Betanam Betupi Pelilih Kanowit ba Rumah Juckine Saing, Nanga Jagoi ditu ensana.

Pengawa nutup program nya dikemujur Adun Machan, Allan Siden Gramong enggau bala pemesai opis betanam betupi ditu.

Ba pengerami nya, Allan pengawa digaga Opis Betanam Betupi Pelilih Kanowit laban udah ngatur program nya sereta mantu nyungkak asil betanam betupi ungkup rayat menua pesisir.

Ku iya, pengawa ngatur program baka nya ulih endur baka penyereta bulih penerang pasal betanam betupi.

Ku iya mega, ari eksibisyen ke dipandang ejensi perintah mega ulih mantu bala penyereta bulih penerang bekaul.

Nyerumba pengerami nya, iya mega diberi basa bejadika makai taun Ke-64 Jublie Intan Rumah Juckine Saing.

Allan bisi bejadika projek parit Rumah Juckine beungkus RM350,000 dikemujur Opis Parit enggau Entali Ai Sarawak (JPS) ke tembu 2017 suba.

Kelimpah ari nya, Allan mega ngungkupka bantu dikena ngemanah Rumah Juckine penyampau RM200,000.

Udah nya iya meri RM5,000 ngagai Komiti Pemansang enggau Pengelikun Genturung Pendiau (JKKK) Rumah Juckine sereta meri tiga tapang pun Musang King ngagai genap pintu rumah panjai nya.

Suara Sarawak