ARTIKEL

26 nembiak Rh Jiram, Segubang nerima bantu kereban sekula ari Sadia

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Serakup Dayak Iban Sarawak (Sadia) sekali agi datai nyuaka tulung kereban sekula ngagai nembiak sekula ti lenyau abis semua kereban dikena besekula ketegal penusah angus ke nuntung Rumah Panjai Segubang, Batu Kawa Lama apin lama ke udah.

Tuai Asadia Mabong Unggang madahka, bantu kereban sekula tu diberi bekau ari penyiru Sadia meda penanggul nadai kereban belajar ditapi nembiak ba Rh Jiram Manjan, Segubang ketegal penusah angus ba pun bulan tu tadi.

“Penyampau nembiak ti benung sekula ba rumah panjai tu bisi 26 iku.

“Entara kereban ti diberi baka bup, pinsil, pen enggau kereban belajar ti bukai,” ku iya dalam siti penerang media, ensana.

Iya mega meri terima kasih ngagai raban Asadia enggau Penyaga Tanah Menua ti betuaika Paul Andrew laban udah meri bantu belanja dikena meli kereban sekula nembiak.

“Ngara pka bisi orang bukai meri bantu baka komputer tauka tablet awakka nembiak ti sekula tu ulih belajar nengah tali arus,” ku iya

Sama bisi datai Sekretari Besai Sadia Nicholas Mujah, pengari Penyaga Tanah Menua Anthony Tutong enggau ke bukai.

Sebedau tu, Sadia mega kala meri bantu barang dapur baka kali, periuk enggau pinggai mangkuk ngagai peranak nya.

Rumah Jiram Kampung Segubang Batu Kawa Lama angus lengis kena 10 Ogos tu tadi ngujungka 85 iku peranak rumah panjai nya tinggal gari ba tubuh.

SINU…Rumah panjai Segubang, Batu Kawa Lama ti angus kena 10 Ogos tu tadi.

BERITA LAIN

BERITA TERBARU