KUCHING: Sepenyampau 285 sekula sekondari enggau primari ba Sarawak ditutup ketegal penanggul besebun.
Nitihka penerang ari Opis Pelajar Nengeri Sarawak (JPNS), naka pukul 8.00 pagi kemari, 26 sekula sekondari enggau 61 sekula primari ba Kuching ditutup.
Pia mega 15 sekula sekondari enggau 86 sekula primari ba Padawan ditutup seraya di Samarahan semina dua sekula sekondari ditutup.
Bagi Menua Sri Aman mega nutup lima sekula sekondari enggau 36 sekula primari seraya ba Serian bisi 13 sekula primari ditutup.
Nambahka nya, lapan sekula sekondari enggau 45 sekula primari ba Betong mega ditutup.
Tu nyengkaum 40 buah sekula primari enggau empat buah sekula sekondari ditutup di Bau.
Kesemua nembiak manggai 157,477 nadai besekula tadi ketegal penanggul besebun.
