3 kg syabu dirampas ba Op Benteng

KUCHING: Tiga kilogram (kg) dadah bansa syabu enggau 19,516 igi pil ecstacy mujur dirampas Pasukan Gerakan Am (PGA) Batu Kawa lebuh Op Benteng kena 26 Disember tu tadi.

Sapit Kepala Polis Sarawak Datuk Fisol Salleh madahka semua dadah ke dirampas tu dipelaba berega RM720,400.

“Lebuh Op Benteng di garis entara menua Sungai Paoh, Serian raban PGA tepeda sebuah kerita baka bisi salah pengawa lalu ngampir kerita nya.

“Bisi tiga iku lelaki dalam kerita nya, dua iku mujur ngelarika diri lalu siku beumur 19 taun rayat Indonesia ulih ditangkap,” ku iya.

Fisol bejaku munyi nya ngagai pemberita ba aum media di Indu Opis Polis Kontinjen Sarawak ditu, tadi.

Suara Sarawak