ARTIKEL

KENANG… Deligit BIMP-EAGA begambar ungkup kenang ba mua entukar ART.

30 pengari BIMP- EAGA nepan entukar hidrogen

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Lebih 30 pengari ari Sitak Pemansang Asia Timur – Brunei Darussalam–Indonesia–Malaysia–Filipina (BIMP-EAGA) diberi peluang nepan entukar hidrogen (H2V) Transit Aliran Automasi (ART), empai lama.

Sida tu pengari Kluster Pengangkut BIMP-EAGA ke-10 ti datai ngulu aum ditu.

Prototaip ART H2V diatu benung diuji ba Isthmus ti dipejalai Opis Menteri Pengangkut Sarawak, Sarawak Metro Sdn Bhd enggau EMGJV Sdn Bhd.

Kelimpah ari nya, Sarawak Metro nya anak serikat diempu penuh Kaunsil Pemansang Ekonomi Sarawak (SEDC) udah diberi tanggungpengawa bejalai, matau enggau ngemujur projek Sistem Pengangkut Mengeri Kuching (KUTS).

Seraya EMGJV Sdn Bhd nya kunteriktor besai ungkup Pakej Sistem 1 Projek KUTS.

Berebak enggau nya, entukar ART nya tulang belakang Projek KUTS ke mega projek dipelanja Perintah Sarawak enggau tuju ngangkat sistem pengangkut mensia mayuh ngagai sistem moden di menua tu.

Projek KUTS deka dipejalai berenggat ari Renggat Keterubah ila nengah pemansang tiga arung iya nya Arung Biru, Mirah enggau Gadung.

Ungkup arung biru nya mungkur penyauh 27.5 kilometer (KM) ari Rembus di Kota Samarahan ngagai Mengeri Kuching, arung mirah (12.3 KM) ari Kuching Sentral ke Pending enggau arung gadung (30 KM) ari Pending ke Damai Central.

Nambahka nya, Renggat Keterubah Projek KUTS diperambu berengkah beoperasyen chara berenggat belabuh suku keempat taun 2025.

Entukar ART mega deka dipatau ba arung khas lalu enda bekunsi enggau penguna jalai alun lain ti beringkat sereta tikas jalai.

Ukai semina nya aja, ART mega deka ngena tayar getah enggau arung khas.

Operasyen ART mega disukung rentayan bas pengantara ngena entukar bekuasa hidrogen ti nyendiaka batu keterubah enggau batu kepenudi ungkup penumpang.

Nya alai, inisiatif ngena hidrogen nya dikena nyukung juluk perintah nengeri ngemansang ekonomi hidrogen enggau munaska karbon pengangkut mensia mayuh di Sarawak.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU

Britain adakan pilihan raya umum 4 Julai ini

LONDON: Britain bakal mengadakan pilihan raya umum negara itu pada 4 Julai, kata Perdana Menteri Rishi Sunak. “Awal hari ini, saya menghadap Raja (Raja Charles

Fatin Afeefa undur diri

»FATIN AFEEFA lama tidak memunculkan diri dalam dunia hiburan ternyata nekad untuk mengundurkan diri kerana mentaati permintaan suaminya, Aliff Awang. Memetik media tempatan, Fatin mengambil

KUKUH HUBUNGAN NEGARA KOMANWEL

HARI KOMANWEL disambut bagi meraikan jalinan dan ikatan persahabatan serta sumbangan Komanwel ke arah keamanan dan keharmonian sejagat. Tahun ini, sambutan Hari Komanwel bertemakan One