BINTULU: Bisi 314 pedagang ba Kapit udah direjister di baruh program Digital Sektor Renchit (ReDI) naka 31 Oktober tu tadi.
Menteri Dagang Dalam Menua enggau Pekara Penguna, Datuk Sri Alexander Nanta Linggi madah, program nya diatur nentuka pedagang mit ba menua pesisir enda tinggal lalu ngaul diri ba dagang digital.
Ku iya, inisiatif nya meri bemacham pengelebih ngagai penguna enggau pedagang laban muntang, jampat enggau likun.
“Opis menteri mega udah setuju ngagihka belanja RM18,000 ngagai 600 penguna enggau 20 pedagang dikena bejalaika program insentif baru chara cashless tu,” ku iya.
Nanta mansutka jaku nya lebuh bejadika Program Betemu Penguna nengah Inisiatif Digital Sektor Renchit (ReDI), Food Bank, Sara Hidup, eVoucher PJM enggau Program Pedagang Biak (PUM) di Song, ensanus.
