512 kes positif baru, dua kes pemati

KUCHING: Sarawak ngerikod 512 kes baru positif Covid-19 enggau dua kes pemati, ditu kemari.

Komiti Penyangga Penusah Nengeri (JPBN) ba sebengkah penerang madah, Pelilih Miri ngerikod 160 kes, 91 kes ba Bintulu, 75 kes ba Subis, 47 kes ba Sibu, 31 kes ba Kuching, 21 kes ba Beluru, 13 kes ba Tebedu enggau 12 kes ba Kanowit.

Pia mega, bela lapan kes ba Sri Aman enggau Selangau, bela tujuh kes ba Mukah enggau Pusa, enam kes ba Saratok, bela lima kes di Dalat enggau Serian, empat kes ba Kanowit enggau Samarahan sereta bela dua kes di Sebauh enggau Tatau.

Nambahka nya, bela siti kes di Meradong, Lawas, Pakan enggau Betong ngujungka kes positif di Sarawak nambah ngagai 36,321 kes.

Dua kes pemati dirikodka ba Sarawak nya ngaul siku indu beumur 63 taun enggau siku lelaki beumur 64 taun.

Seduai bela ditukuka bebadi nyawa kena 10 Mei tu tadi lalu ngembuan penyakit kemi manis tinggi darah.

Suara Sarawak