ARTIKEL

54.4 peratus orang indu ti bedagang ba Sarawak putus penatai pemisi

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Sepenyampau 56.4 peratus ari 415 pedagang indu Sarawak putus penatai pemisi kenyau ari Atur Mindah Betagang (PKP) ketegal pandemik Covid-19.

Menteri Pengintu Pengelantang Komuniti, Orang Indu, Ruang Bilik enggau Pemansang Anak Mit, Datuk Seri Fatimah Abdullah madahka, asil pansik nunjukka semina 0.72 peratus pedagang indu mansutka asil lebih ari RM5,000.

“Pia mega, 51 peratus pedagang indu di menua tu enda rejister dagang ngujungka sida tusah nerima bantu perintah.

“64 peratus pedagang tu udah kawin enggau 26 peratus nya status indai tunggal.

“Nya dua kategori besai nunjukka raban indu ngembuan dua tanggung pengawa besai ba pengidup sida,” terang Fatimah.

Fatimah mansutka jaku nya ba aum pemberita nengah online pengudah Aum Kaunsil Orang Indu enggau Ruang Bilik Sarawak, ditu kemari.

Terang iya, peratus tu engka deka berubah laban nyau deka setaun dunya napi pandemik Covid-19 ke meri pangka besai ngagai pedagang indu kemaya hari.

Nambahka nya, pedagang indu Sarawak mega kurang penyedar enggau penemu pasal pengawa rejister dagang sida ti nyadi pemun numbuhka dagang ngambi nerima bantu perintah.

Ku iya, raban indu napi penusah laban mesti bejalaika tanggung pengawa besai nentuka pekara diguna ruang bilik sida chukup kenyau ari pengerekai igi penyakit tu.

BERITA LAIN

BERITA TERBARU

Projek naik taraf lima jalan di Meradong siap

BINTANGOR: Penduduk lima penempatan di Meradong kini menikmati kemudahan yang lebih selesa apabila pelaksanaan lima Projek Mesra Rakyat (PMR) membabitkan kerja baik pulih jalan raya