ARTIKEL

SIRU… Razi nyuaka pemeri Gawai Dayak ngagai siku ari penerima seraya Henry enggau bala bukai ngemata. GAMBAR GHAZALI BUJANG

54,508 nerima bantu ninting bulan selampur Sarawak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BAU: Opis Menteri Pemansang Indu, Nembiak Mit Enggau Pengelantang Komuniti (KPWK) nengah Opis Pengintu Pengelantang Mensia Mayuh (JKM) Sarawak udah meri bantu ninting bulan ngagai 54,508 penerima di nengeri tu ungkup timpuh Januari nyentuk April 2024.

Sapit Menteri Pemansang Indu, Nembiak Mit Enggau Pengelantang Komuniti, Datuk Mohamad Razi Sitam madah, penyampau semua bantu ti diberi nya manggai RM85,967,700.

“Ari penyampau tu, RM40,991,000 diberika 20,685 penerima kategori Bantu Orang Tuai (BWE), lalu RM8,909,600 da ungkup Bantu Nembiak Mit (BKK) iya nya 6,975 penerima.

“Bantu tu ditambah ari Perintah Sarawak penyampau RM50 siku ti ngaul belanja tambah penyampau RM1,363,250,” terang iya.

Razi bejaku munyi nya rambau bejadi Program Sejambak Kasih Gawai ba Balai Saga Kampung Sudoh, Singai ditu, kemari.

Ku iya, bisi RM4,804,000 bantu diberi ngagai 2,448 iku penerima bagi kategori Bantu Nyaga OKU tauka Pesakit Raya Gegaring (BPT).

Iya madah, nyerumba Gawai Dayak tu, JKMS udah meri bantu ngagai 26,628 penerima di Sarawak ti ngena belanja penyampau RM2,661,800.

Ku iya, bantu nya diberi ngicha ulih ngelempungka tating belanja penerima nyerumba ngintu Gawai Dayak ti deka diintu enda lama da.

“Kami udah meri bantu nya ngagai 3,546 penerima di Kuching, Samarahan (977), Serian (2,182), Sri Aman (4,810), Betong (2,183), Sarikei (1,889), Sibu (3,313), Mukah (819), Kapit (2,832), Bintulu (2,228), Miri (1,256) enggau Limbang (583).

“Penerima deka nerima bantu duit penyampau RM100 enggau hamper barang pemakai berega RM80,” ku iya.

BERITA LAIN

Sarawak merambu numbuh kaunsil padi berau

BINTANGOR: Sarawak merambu numbuhka kaunsil padi berau kediri nentuka pemansang komoditit nya ulih dipejalai berurun agi. Menteri Industri Pemakai, Komoditi enggau Pemansang Wilayah Sarawak, Datuk

Asil dagang nambah 23.8 peratus

BANDAR SERI BEGAWAN: Penyampau dagang entara Sarawak enggau Brunei Darussalam nambah 23.8 peratus, manggai RM3.76 bilion ba taun 2023. Sapit Premier Sarawak, Datuk Amar Awang

SDRAC enggau Yayasan Sime Darby mantu komuniti

KUCHING: Sime Darby Rent-A-Car (SDRAC) – Hertz Malaysia enggau Yayasan Sime Darby bekerejasama meri bantu ngagai komuniti di Kampung Siol Kandis di Petrajaya ba sebengkah

BERITA TERBARU