ARTIKEL

59 projek nyeruri sekula repuk udah dikemendar

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SADONG JAYA: Bisi 59 projek nyeruri sekula repuk ba Sarawak udah dikemendarka diseruri taun tu.

Sapit Menteri Pelajar ll Datuk Mohamad Alamin madahka, projek nya mega ngena agih belanja urung RM402 juta.

“Aku bepuas ati enggau pemansang projek nyeruri sekula tu lalu andalka semua projek ulih dipejalaika enggau manah nitihka taga.

“Tebal agi projek tu agi ba renggat baru deka berengkah (pra pembinaan) tang deka disadang tembu nitihka taga ti udah ditetapka ba Surat Setuju Terima (SST) projek,” ku iya.

Mohamad bejaku munyi nya ba aum media pengudah ngabas projek nyeruri bengunan sekula repuk di SK Pendam, Sadong Jaya ditu, kemari.

Ku iya, berengkah taun 2017 nyentuk 2021 bisi 186 buah sekula repuk udah dikemendarka diseruri ba Sarawak ngena agih belanja manggai RM1.5 billion.

“Sarawak sebuah nengeri ti pemadu manah dalam projek nyeruri sekula repuk.

“Ambika chunto, ba taun 2020 bisi 52 projek dikemendarka ke alai enam projek benung digaga lalu 46 projek ti bukai dalam proses deka digaga.

“Projek nyeruri sekula repuk tu diberi timpuh 18 ngagai 22 bulan baru tembu, nya alai bisi sekula ti diseruri tumu deka tembu tumu tang ti laun diseruri deka tembu laun,” ku iya.

Dulu ari nya, Mohamad ngabas dua buah projek nyeruri sekula repuk di SK Pengkalan Kuap enggau SK Sambir.

Sama bisi datai Direktor Opis Pelajar Nengeri Dr Norisah Suhaili enggau ke bukai.

BERITA LAIN

BERITA TERBARU

Tiga bot nelayan ditahan APMM

MIRI: Tiga bot nelayan tempatan bersama 1,000 kilogram ikan dirampas oleh Agensi Penguatkuasaan Maritim Malaysia (APMM) Zon Miri di kedudukan 3.3 batu nautika barat laut

Geng Piji tumpas

KUCHING: Geng Piji yang aktif mencuri kenderaan selain terlibat dalam kes pecah rumah, samun dan curi kabel akhirnya tumpas apabila ketua termasuk 11 ahlinya dicekup