KUCHING: La Promenade Mall deka nyadi tuan rumah Festival Filem Mini Ke-19 enggau Festival Seni kena 6 nyentuk 9 Julai tu
.
Direktor Festival Yow Chong Lee madah, urung 60 buah filem dipandang pechuma ungkup empat hari berunggu nya ba tiga bengkah balai dalam palan bebeli barang tu.
“Aku meri terima kasih ngagai raban penaja nyengkaum HSL sereta raban penyukung festival tu.
“Aku ngelaluka raban ti deka meda semua filem tu ngerejister nama dulu awakka pejalai program bejalai lanchar,” ku iya dalam sebuah penerang kemari.
Festival ti diatur sepengelama empat hari nya ila deka mantaika filem pandak ari Asia Tenggara, Jipun enggau Amerika Syarikat nyengkaum dua buah filem panjai dikumbai ‘KITA’ ditengkebang Goh enggau ‘Obake’ ditengkebang Nakao Hiromichi.
Sekeda filem bukai ti dipelaba narit ati temuai iya nya ‘The Blessing’, ‘Carousel’, ‘Funeral for Two’ enggau dokumentari ‘The Absent Guest’, ‘Garek’, ‘Kumbang’ enggau ‘The Flying Snail’.
Berita penuh ba Ruai 4 pagila
