ARTIKEL

66.6 peratus rayat Sarawak udah genap dos vaksin Covid-19

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Naka 31 Julai, bisi 86.7 peratus rayat Sarawak udah nerima vaksin Covid-19 dos ti keterubah.

Opis Pengerai Nengeri Sarawak (JKNS) dalam siti penerang media sehari tu madahka bungkur imunisasyen tu ngaul 66.6 peratus rayat menua tu ti udah nerima vaksin penuh.

“Dipelabaka ujung bulan Ogos tu ila, lebih 70 peratus rayat menua deka nerima vaksin penuh.

“Pekara tu amat beguna laban ulih ngelindung rayat ari dirampit Covid-19,” ku penerang nya.

Ku penerang nya, program imunisasyen tu meri pangka positif lebuh meda gaya kes berampit enggau penyampau kes pemati Covid-19 naka diatu.

“Nitihka ripot bulan Julai, puku rata kes nurun ngagai 383 kes sehari enti dibanding enggau puku rata sebedau nya 548 kes sehari ba bulan June.

“Taja rikod kes niki ari 25 ngagai 31 Julai iya nya 450 kes sehari tang kes tu mayuh berampit ba sekeda pelilih menua aja baka Kuching, Samarahan enggau Serian,” ku penerang nya.

Nangkan ke nya, penerang tu mega madahka penyampau pesakit Covid-19 ti ngena mesin oksigen mega kurang.

“Ba bulan June puku rata orang ngena mesin oksigen bisi 268 iku sehari tang nurun ngagai 150 iku sehari ba bulan Julai.

“Penyampau pesakit kritikal mega nurun ari 83 kes sehari ba bulan June ngagai 45 kes sehari ba bulan Julai.

“Naka 30 Julai penyampau kes pemati dirikodka mega bisi kurang ari 108 kes ba bulan June ngagai 45 kes ba bulan Julai,” ku penerang nya.

Nya alai, JKNS minta mensia mayuh ke beumur 18 taun ke atas ti bedau nerima vaksin patut datai kediri ngagai Opis Residen besemak awakka ulih netapka semaya haribulan nerima vaksin Covid-19.

BERITA LAIN

Mayuh bantu ngubah pengidup rayat

DEBAK: Bemacham bansa bantu diberi perintah dikena ngubah enggau nyaga pengelantang rayat. Sapit Premier Sarawak, Datuk Amar Douglas Uggah Embas madah, nya nentuka rayat bulih

Gaji niki nipakka inflasyen

KUCHING: Perintah Besai dipinta nyemela pengawa nikika gaji nipakka tikas inflasyen ngambi pekara tu enda meri empas ngagai rega barang niki ti ngasuh atur nikika

BERITA TERBARU

17,034 warga emas Jepun meninggal sendirian

TOKYO: Satu tinjauan terkini oleh Agensi Polis Kebangsaan Jepun (NPA) menunjukkan bahawa 17,034 warga emas yang tinggal bersendirian meninggal dunia di rumah di seluruh negara

Pertingkat usaha bantu PKS tembusi pasaran luar

SAMARKAND: Usaha membantu perusahaan kecil dan sederhana (PKS) Malaysia menembusi pasaran luar negara perlu dipertingkat bagi mengangkat kedudukan syarikat berkenaan, kata Perdana Menteri Datuk Seri