PANTU: Bisi 73 iku nembiak ari empat buah sekula primari di Simunjan ngambi bagi ba Lumba Pribumi Sekula Primari (SK) Tuba 2023.
Empat buah sekula nya baka SK Tuba (32 iku nembiak), SK Mentu (21), SK Muding (15) enggau SK Tegelam (lima).
Chairman Gerempung Apai Indai enggau Pengajar (PIBG) SK Tuba, Franky Christopher madah, lumba nya diatur berengkah ari 3 nyentuk 4 Ogos.
“Tuju kami enggau bala pengajar ngatur lumba tu endang deka milih bala nembiak ti deka ngarika PPD Simunjan ngagai Lumba Pribumi Renggat Nasional di Sibu ila.
“Kelimpah ari nya, kami mega deka ngumpul belanja turu PIBG SK Tuba dikena bejalaika aktiviti bukai ungkup nembiak,” ku iya.
Franky bejaku munyi nya rambau bejadi Lumba Pribumi Sekula Primari (SK) Tuba 2023 di padang SK Tuba ditu kemari.
berita penuh ba Ruai 3 pagila.
