79.41 peratus kes positif Covid-19 udah suman

KUCHING: Bisi 79.41 peratus kes positif Covid-19 di Sarawak udah ditemu suman lalu dikemendar pansut ari sepital sereta nadai kes positif baru diripotka nyadi, sehari tu.

Nitihka penerang ari Sekretariat Komiti Penyangga Penusah Ngenyit Nengeri Sarawak (JPBNS), penyampau nya nyengkaum empat kes positif ke ditemu suman, sehari tu

JPBNS madahka semua kes nya dirikodka ari Sepital Besai Sarawak (SGH).

Tu lalu ngujungka bisi 432 kes positif ba nengeri tu udah suman lalu dikemendarka pansut ari sepital.

Kelimpah ari nya, JPBNS ba penerang kemari madahka bisi 7 kes Pesakit Agi Dipatau (PUI) dirikodka, lalu 29 kes agi nganti pemutus ari makmal.

Berebak enggau nya, JPBNS madahka bisi 4,944 iti peminta pejalai entara pelilih menua udah diterima ba 28 buah Indu Opis Pelilih PDRM selampur Sarawak, naka sehari tu.