ARTIKEL

80 peratus udah divaksin di Dun Batu Kitang

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Urung 80 peratus peranak di Dun Batu Kitang udah nerima vaksin Covid-19.

Adun Batu Kitang Lo Khere Chiang madahka sitak nya udah bejalaika Program Vaksinasyen Covid-19 sepengelama empat hari di palan ti bebida.

“Keterubah sekali kami ngaga program tu di Balai Mensia Mayuh Batu 10 tiga hari berunggu sebedau mindah kitu.

“Ba program tu kami meri fokus ngagai orang tuai, orang sakit ti enda dapat bejalai enggau orang ti nadai ngembuan MySejahtera,” ku iya lebuh ditanya pemberita pengudah ngelawa Palan Meri Vaksin Balai Mensia Mayuh Kampung Semeba ditu, kemari.

Ku iya, sida andalka 420 iku peranak di Kampung Semeba ulih divaksin kemari enggau sehari tu.

“Timbal ari mensia mayuh amat manah, mayuh orang tuai datai kitu.

“Dun Batu Kitang ngembuan 60,000 peranak ke alai 20,000 iku udah tau ngundi.

“Pelaba aku urung 80 peratus sida udah divaksin, lalu aku andalka dalam dua hari tu (Hari Enam enggau Hari Minggu) urung 90 peratus peranak di Dun Batu Kitang udah nerima vaksin dos keterubah,” ku iya.

Khere Chiang mega meri terima kasih ngagai Chairman Komiti Penyangga Penusah Nengeri (JPBN) Datuk Amar

Douglas Uggah Embas, raban Bomba enggau Penyanding Penemu JPBN Datuk Sri Prof Sim Kui Hian ti udah ngelancharka program meri vaksin ba sitak nya.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU