839 polis gawa Hari Malaysia

KUCHING: Sepenyampau 839 pemesai enggau kaban polis deka dianjung gawa ba Stadium Perpaduan enggau kandang ngelingi indu mengeri ditu beserimbai enggau pengerami ngintu Hari Malaysia, Hari Satu tu.

Ketuai Polis Pelilih Kuching ACP wang Din Awang Gani madah, bela dianjung gawa raban ari Unit Tempur Ringan (LSF) enggau Unit Tindakan Rusuhan Awam (PORU).

“Kelimpah ari nya, dua palan matau deka disedia iya nya ba Indu Opis Polis Kuching enggau Indu Opis Polis Kontinjen Sarawak,” ku iya.

Awang Din mega ngelalau mensia mayuh ti datai meda pengerami anang ngereja sebarang ulah ti tau mai penyarut.

“Enti kita talukka menua kitai, talukka pengelikun enggau pengelantann, anang nguji ngereja sebarang ulah ti tau ngasuh charut sereta pejalai program tejanggal,” ku iya ngelalau.

Pengawa ngintu Hari Malaysia sebedau tu diperambu ba Padang Merdeka di tengah indu mengeri ditu udah dipindah ngagai Stadium Perpaduan ketegal penanggul sebun ti nuntung menua diatu.

ACP Awang Din