ARTIKEL

KELAI BASA… Kellee (kiba) nyuaka tepa ngagai Fatimah (kanan) pengudah aum pemberita ‘Bank Social Funding Campaign enggau Kerejasama Bank Alliance’ ba Begunan Baitulmakmur II ditu tadi.

84 peratus anak mit Sarawak kurang zat pemakai ukai berita kebendar

Facebook
Twitter
LinkedIn
WhatsApp
Telegram

KUCHING: Rikod ti madahka 84 peratus anak mit di Sarawak kurang zat pemakai ari sebuah bank lebuh sida bejalaika Tanggungpengawa Rama Korporat (CSR) enda amai sereta ngasuh mensia mayuh saru penemu.

Menteri Pemansang Indu, Nembiak Mit Enggau Pengelantang Komuniti Datuk Seri Fatimah Abdullah madahka pekara tu berengkah ari sebuah iklan CSR ti madahka 84 peratus anak mit ba Sarawak kurang zat pemakai.

“Bekau ari nya, aku dipinta meri timbal ngarika perintah nengeri laban penerang nya ngasuh kami balat kesal ati sereta ngasuh mensia mayuh saru penemu.

“Nyema orang nya enda macha penerang tu abis, pekara nya enda deka badu dia aja, nya deka nyadi spekulasyen ngagai orang bukai ti deka beambi ulih,” ku iya.

Fatimah bejaku munyi nya rambau aum pemberita ‘Bank Social Funding Campaign enggau Kerejasama Bank Alliance’ ba Begunan Baitulmakmur II ditu tadi.

Kelimpah ari nya, Tuai Pampang Pemakai (Sektor Pengerai Mensia Mayuh) Opis Pengerai Nengeri Sarawak Bong Mee Wan madahka bisi dua indikator ti dikena sida ngelala anak mit nya kurang zat di Sarawak.

Baca lain  Bagi bela belanja pemansang RTP – Ali

“Nitihka ‘National Health Morbidity Survey’ (NHMS) dibaruh Institut Pengerai Mensia Mayuh Malaysia 2016 enggau 2022 statistik nunjukka anak mit di Sarawak ti ngembuan pemerat tubuh enda nitihka umur ungkup nembiak baruh lima taun bisi nurun ari 17.8 peratus ngagai 15.6 peratus.

“Anak mit ti beumur baruh lima taun ti napi penanggul ‘tumbesaran terbantut’ (stunting) mega nurun ari 23.1 peratus ngagai 19.4 peratus ke alai anak mit ti napi penanggul ‘badan susut’ (wasting) nurun ari 12 peratus ngagai 10.5 peratus,” ku iya.

Nangkan nya, Tuai Pemesai Eksekutif (CEO) Alliance Bank Malaysia Berhad Kellee Kam madahka sida minta ampun laban ngasuh perintah nengeri kesal ati.

“Penerang nya datai ari data ti enda betul, pekara tu enda patut dibantaika kami.

“Kami enggau kesal ati, ngaku pekara nya enda patut nyadi enggau minta ampun,” ku iya.

Iya madahka penerang nya ayan lebuh ngeluarka penerang berita maya ngatur CSR ngagai nembiak mit di menua pesisir kelebih agi ngagai raban orang bumai mit.

Baca lain  Tubah peranak Engkilili nyukung Rayong

Fatimah nangkan nya madahka opis menteri ngampunka pekara nya sereta mai Alliance Bank mansang ke mua.

BERITA LAIN

Premier betemu anak Sarawak di England

LEEDS: Premier Sarawak, Datuk Patinggi Tan Sri Abang Johari Tun Openg udah betemu enggau 20 anak Sarawak ti belajar di England serimbai Hari Raya Aidilfitri.

BERITA TERBARU

PDRM

Suspek kes amang seksual ditahan di Miri

SRI AMAN: Suspek lelaki dikehendaki polis yang disyaki melakukan amang seksual terhadap seorang kanak-kanak perempuan di kawasan tanah perkuburan lama, Kampung Kubal, Betong ditahan Jumaat

Pemancing udang jumpa mayat terapung

MIRI: Sembilan pemancing udang galah dikejutkan dengan penemuan mayat seorang lelaki dalam keadaan tidak sempurna di Sungai Kuala Baram di sini, hari ini. Ekoran itu,