97,000 raban terabai komuniti divaksin

KUCHING: Urung 97,000 raban terabai komuniti di selampur Sarawak deka divaksin ba renggat keterubah.
Direktor Pengerai Nengeri Dr Chin Zin Hing madahka Bagi Menua Miri, Bintulu enggau Limbang pengawa nuchuk vaksin Pfizer BioNTech deka berengkah minggu ti deka datai.

“Kami ngarapka 97,000 iku raban gawa ba luan di menua tu ulih dibungkur magang nerima vaksin ba renggat keterubah.

“Rintai nama penerima vaksin tu diambi ari ketuai tiap ejensi baka polis, imigresen, opis pengerai nyengkaum pengereja sepital enggau klinik peribit,” ku iya.

Iya bejaku munyi nya lebuh ditanya pemberita pengudah nerima vaksin ba Klinik Petrajaya ditu, kemari.

Zin Ching madahka semua atur meri vaksin Pfizer BioNTech nuju raban gawa di luan dulu endang nitihka gerah ari Opis Menteri Pengerai.

“Penyampau vaksin renggat keterubah tu agi mimit nya alai kami enda ulih mungkur semua orang nerima dulu.

“Kami enggau naka ulih mungkur semua orang ti begunaka vaksin nya,” ku iya.

Nangkan nya, Ketuai Pampang Pemansang Pengerai Ruang Bilik, Pakar Pengerai Mensia Mayuh JKNS Dr Radziah Mohamad madahka urung lima hari berunggu kira-kira 5,000 iku raban terabai komuniti deka diberi vaksin berengkah kemari ngagai 1 Mac tu ila.

“Diatu kami bisi 41 palan meri vaksin bedau ditambah Bagi Menua Miri, Bintulu enggau Limbang.

“Sehari tu (kemari) urung 48 iku aja bisi divaksin ba Klinik Petrajaya.

“Pagi ila (sehari tu) kami melaba urung 1,160 iku raban terabai komuniti deka divaksin,” ku iya.

Suara Sarawak