ARTIKEL

AADK muka sesyen nemuai khas kena 15-19 April serimbai Hari Raya Aidilfitri

Facebook
Twitter
LinkedIn
WhatsApp
Telegram

KUCHING: Ejensi Benchi Dadak Nasional (AADK) deka muka sesyen nemuai khas ungkup ruang bilik tauka penyaga klien sida ba 30 Palan Penyuman Gian Narkotik (PUSPEN) ba selampur menua serimbai Hari Raya Aidilfitri tu.

Unit Media enggau Komunikasyen Korporat AADK ba sebengkah penerang madah, tuju penemuai nya dikena ngedut kaul entara klien enggau sida sebilik, meri sukung moral enggau emosyen ngagai pangan diri.

“Serimbai penemui nya, ruang bilik ulih meda kediri empu pengerembai penyuman klien ti nitihka Program Berubat enggau Penyuman Dalam Institusyen (RPDI).

“Penemuai ruang bilik tu deka meri peluang ngagai klien enggau penyaga tauka sida sebilik betemu enggau pangan diri lalu tu siti ari pelasar nyukung penyuman klien,” ku penerang nya kemari.

Sesyen penemuai ruang bilik taun tu deka berengkah diatur kena 15 nyentuk 19 April ti mungkur nengeri Pahang, Melaka, Negeri Sembilan, Selangor, Wilayah Persekutuan, Perak, Pulau Pinang, Perlis, Sabah enggau Sarawak.

Nangkan nya, sesyen sebaka ungkup nengeri Kelantan, Terenggaru, Johor enggau Kedah deka berengkah diatur kena 14 nyentuk 18 April.

Baca lain  Riong Gimang bedua penemu nyulam burie

Berebak enggau nya, AADK minta semua ruang bilik tauka penyaga ti deka ngambi bagi ba Sesyen Nemuai Ruang Bilik nya betelefon, nganjung pesan pandak (SMS), pesan nengah WhatsApp, surat tauka email ngagai Pegawai Penyuman ba PUSPEN sida empu.

Mensia mayuh diperansang betelefon ngagai PUSPEN dikena ngulih penerang beguna bekaul Sesyen Nemuai Ruang Bilik nya nengah lumur Hotline AADK 1-800-22-AADK (2235) tauka 019-6262233 (WhatsApp) ungkup sanding penemu tauka ngeripot kes dadah.

BERITA LAIN

Premier betemu anak Sarawak di England

LEEDS: Premier Sarawak, Datuk Patinggi Tan Sri Abang Johari Tun Openg udah betemu enggau 20 anak Sarawak ti belajar di England serimbai Hari Raya Aidilfitri.

BERITA TERBARU

Muzium Sarawak jalin dengan Jabatan Pendidikan

KUCHING: Jabatan Muzium Sarawak dan Jabatan Pendidikan negeri menjalinkan kerjasama dalam usaha memupuk minat anak muda menghargai dan menghayati sejarah negeri itu. Menteri Pelancongan, Industri Kreatif