ARTIKEL

NGELEKAT… Hamedie (kiba) enggau Wee (tiga kanan) sereta bala bukai ngelekat brosher benchi dadah ba Flat KMC, Jalai Padungan ditu, kemari.

AADK Sarawak nanggam kerejasama enggau MBKS mutar isu dadah ba mengeri tu

Facebook
Twitter
LinkedIn
WhatsApp
Telegram

KUCHING: Ejensi Benchi Dadah Nasional (AADK) Sarawak deka bekerejasama enggau Majlis Bandaraya Kuching Selatan (MBKS) dikena nentu palan pemerindang ba sitak dikuasa Raban Bekuasa Lokal (PBT) nya enda nyadi palan makai dadah.

Direktor AADK Sarawak, Abdul Hamedie Ibrahim madah, pekara nya berebak ari mayuh palan pemerindang ba mengeri tu dipelaba nyadi palan nyual enggau makai dadah.

“Nadai penanggul enti orang deka ngelawa kelab malam tang pemadu beguna anang makai dadah.

“Kami deka ngerah MBKS ngambi pengawa makai dadah enda nyadi ba kelab malam ba sitak tu,” ku iya.

Hamedie mansutka jaku nya rambau ngelanchar Program Penyedar Benchi Dadah Begulai enggau Peranak Flat KMC, Jalai Padungan ditu, kemari.

Iya madah, pengawa makai dadah ba Sarawak chukup ngirauka ati lalu bepelasarka data ba taun nyin kemari, bisi 10,000 orang dirikod makai, gian enggau nyadi nyual dadah.

Ngelansa silik, ku iya, urung 70 nyentuk 80 peratus sida ti ngaul dadah nya endang raban nembiak.

Baca lain  Hak Sarawak ba MA63 sigi diambi pulai

“Ba Kuching aja, kami ngembuan urung 1,103 iku sida ti dipatau enggau diperubat kami ba AADK,” ku iya.

Nangkan nya, iya madah, lebih 90 peratus pengawa makai dadah ba nengeri tu endang bekaul dadah bansa syabu.

Iya nyemetak madah, pengawa bejalaika program meri penyedar nagang dadah nya beguna amat ba renggat komuniti.

Ku iya, nya ukai semina dikena mutar isu dadah aja tang isu sosial bukai ti bekaul.

“Kebuah pia laban isu dadah ukai semina bepun ari dadah aja tang bela ngaul isu penyeranta, isu nembiak enda datai ke sekula, nginsap enggau ti bukai,” ku iya.

Sama datai, Datuk Bandar Kuching Selatan, Datuk Wee Hong Seng.

BERITA LAIN

779 pekebun lada di Serian nerima bantu

MINDY VELARIE CASILYsuarasarawak.sv@gmail.com SERIAN: Sepenyampau 779 pekebun lada di Serian nerima bantu ari Kaunsil Lada Malaysia (MPB). Sapit Menteri Industri Pemakai, Komoditi enggau Pemansang Wilayah

Horimyo puh ngerembai ‘tebori’ Jipun

KELIA di menua Jipun, lebuh tubuh nuan bisi kelingai, nuan deka dikumbai siku orang jai tauka dikumbai orang ‘mafia’. Tang empas ubah jeman ti majak

Bujang Simanggang landik bekelingai

BA Sarawak, pengawa bekelingai chukup tebilang ba komuniti kitai Iban laban nya nyadi kelai ukir bujang berani pengelala bansa. Ari sukut pemanah enggau pengelala diri,

Penyulut 309 nembiak dirami

KUCHING: Sepenyampau 309 nembiak ari Universiti Teknologi Swimburne Kampus Sarawak udah nerima skrol ba pengawa graduasyen keterubah universiti nya, ditu kemari. Pengawa tu udah mujur

BERITA TERBARU

Hina Premier Sarawak, tiga Setiausaha lapor polis

KUCHING: Tiga Setiausaha kepada Premier Sarawak bertindak membuat laporan polis berhubung kes dipercayai menfitnah Premier Sarawak, Datuk Patinggi Tan Sri Abang Johari Tun Openg oleh