Abang Iskandar dichiri nyadi Akim Besai Sabah enggau Sarawak ke baru

KUALA LUMPUR: Yang di-Pertuan Agong Al-Sultan Abdullah Ri’ayatuddin Al-Mustafa Billah Shah nerima penatai enggau meri Surat Chiri ngagai Akim Besai Sabah enggau Sarawak, Datuk Abang Iskandar Abang Hashim, ba Istana Negara ditu.

Pengawa nyiri Abang Iskandar, 61 taun, berengkah ari sehari tu, nyilih Tan Sri David Wong Dak Wah ti pinchin kena 20 Feb.

Pengawa diatur ba Singgahsana Kecil Istana Negara nya mega digulu Ketuai Akim Menua, Tan Sri Tengku Maimun Tuan Mat enggau Luyar Menua, Tan Sri Tommy Thomas.

Abang Iskandar sebedau tu nyadi Akim Kort Besai lalu kala mangku sekeda pangku pengawa bukai baka Akim Kort Apil pengelama lima taun, kenyau ari 2013.

Peranak asal Sibu, Sarawak ngepunka pangku pengawa ba pekara undang-undang dalam taun 1983, nyadi Majistret ba Kort Majistret Miri, Sarawak.

Suara Sarawak