KUCHING: Premier Sarawak Datuk Patinggi Tan Sri Abang Johari Tun Openg nemuai ngabas Tuai Pemegai Menua (TYT) Nengeri Tun Abdul Taib Mahmud di rumah iya semak Demak Jaya ditu kena Hari Minggu.
Ba gambar pemadu baru ti dikunsi mandangka kededua tuai nya begauk enggau pangan diri, ti dikunsi ba akaun Instagram rasmi Taib sebedau dibantaika baru ba Instagram rasmi bini iya, Toh Puan Datuk Patinggi Raghad Kurdi Taib.
Abang Johari ngerasuk baju batik biru benung nabi Taib, ti ngena baju batik kuning muda bechura uram.
Gambar diambi kena 17 September 2023 nya disempulang enggau jaku ‘Alhamdulillah’.
Tun Taib sedau tu ba menua luar lalu pulai ke Kuching 16 September lalu deka nampung pengawa nya ke Hari Satu sehari nya.
Dulu ari nya, Tun Taib berubat ba Istanbul, Turki nitihka prosedur perubat.
Sekumbang timpuh nya, Speaker DUN Sarawak Tan Sri Mohamad Asfia Awang Nasar dipadu nyadi Pemangku TYT Nengeri Sarawak kena 16 Ogos ungkup sebulan.
