ACD dipejalai ba lima rumah panjai di Meradong

BINTANGOR: Rumah panjai ti bejalaika pengawa nyidi kes agi berampit (ACD) bisi nambah ba sitak Meradong.

Ketuai Polis Pelilih Meradong, Deputi Superitendan Polis (DSP) Sekam Anoi madah, lima buah rumah panjai agi bejalaika ACD ti ngaul 114 pintu bilik enggau 372 iku peranak.

Ku iya, Rumah Ujeh (Ulu Stras), Rumah Nearly (Sungai Sekijang), Rumah Peter Kilas (Sungai Selidap), Rumah Ancal, Rumah Buan (Sungai Stubah) enggau Rumah Bisa (Sungai Sian) mega benung bepekul diatu.

“Aku minta sida tu meri kerejasama ngagai raban bekuasa baka Opis Pengerai Pelilih, raban Rela enggau ejensi perintah bukai ti bejalaika pengawa dia.

“Titihka SOP udah ditetap lalu seliahka dulu begelumu ba ruai ngambi kitai ulih ngerintaska rantai igi penyakit tu,” ku Sekam ngelalau nengah sebengkah penerang tadi.

Nambahka nya, iya minta bala tuai raban bansa baka pemancha, penghulu enggau tuai rumah mega mesti bejalaika pangku pengawa sida nentuka SOP dititihka nembiak redak sida.

Suara Sarawak