ACD dipejalaika baru ba Zon Permai, Sentosa – Dr Chin

SIBU: Pengawa Nyidi Kes Agi Ngerekai (ACD) deka dipejalai sekali agi ba Zon Permai enggau Sentosa ditu.

Direktor Opis Pengerai Sarawak Dr Chin Zin Hing madahka pengawa nya ditandu baru ari peminta mensia mayuh ti diau ba kandang menua nya empu.

Kebuah pia ku iya laban bisi sekeda sida nya enda ampit beperesa lebuh ACD keterubah dipejalai kena 22 enggau 23 Februari nyin tadi.

“Kami minta sida ti bisi kelai enggau mudah kena rampit ulih nganjung diri beperesa enggau lengkas.

“Pia mega sida ti kala beperesa tau datai baru enti sema bisi kelai kena rampit tang sida ke nadai kelai tau enda ibuh datai,” ku iya lebuh dirandau pemberita.

Taja pia ku Dr Chin, raban sida apin netapka haribulan ke patut endur bejalaika ACD nya naka diatu.

Nambahka nya, Atur Mindah Betagang Diterit (PKPD) ba genturung Sentosa Timur Fasa 2, Sibu udah diketu sehari tu baka udah ditimpuh sebedau tu. – BERNAMA

Suara Sarawak