ARTIKEL

Maya Pengerami Bejadika Pagar di Rumah Corina Jenipa, Ngemah. - Foto: UKAS

ADUN Ngemah bejadi projek pagar beungkus RM150,000 ba Rumah Corina Jenipa

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KANOWIT: Pengawa ngaga pagar Rumah Corina Jenipa di Nanga Dap ti beungkus RM150,000 udah tembu nyadi sebagi ari Program Transformasyen Menua Pesisir (RTP) Sitak DUN Ngemah ungkup taun 2023.

Kaban Kunsil Nengeri (ADUN) Ngemah, Anyi Jana, madahka Opis Kaunsil Pelilih Kanowit udah matau projek nya nyadi ejensi ti bejalaika pengawa seraya tanah ba kandang menua Nanga Dap, Kanowit disukat Opis Tanah enggau Survei.

“Berindik ari kerejasama semua peranak, pengawa nyukat tanah ba kandang menua Nanga Dap udah mujur ditembu Opis Tanah enggau Survei.

“Terima kasih ngagai peranak di Ngemah laban udah ngemendar sereta ngemuntang Opis Tanah enggau Survei nyukat tanah lalu pekara tu deka meri mayuh pemaik ngagai sida ke ngempu tanah,” ku iya rambau Pengawa Bejadika Pagar di Rumah Corina Jenipa kemari.

Kelimpah ari nya, Anyi madahka Palan Servis ADUN Ngemah bisi meri insentif ngagai nembiak ti nyulut ba peresa Sijil Pelajaran Malaysia (SPM) enggau Sijil Tinggi Persekolahan Malaysia (STPM).

Nembiak ke nampung pelajar ba renggat diploma enggau degree mega deka nerima insentif sekali aja, nitihka atur ti udah ditetap.

Ba pengawa ke sama, Kaban Kunsil Nengeri (ADUN) Ngemah udah ngemendarka geran MRP sepenyampau RM5,000 ungkup Gerempung Indu Rumah Corina Jenipa dikena bejalaika program ngangkat ekonomi diri sebilik, nyengkaum asil pengelandik jari sereta inisiatif bukai.

Sama bisi datai, bini ADUN, Gelim Utan, Penghulu Dunstan Mandau, Tuai Indu PRS Ngemah enggau Exco PRS Indu Sentral, Kaunsilor Mutang Karani, Kaunsilor Juin Adan, Sapit Chairman PRS Ngemah, Ramba Resang, sereta temuai dipebasa bukai.

BERITA LAIN

BERITA TERBARU