ARTIKEL

Agih belanja MRP RM824,000 meri pemaik ngagai 93 penerima

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KANOWIT: Bisi 93 penerima ba sitak Kunsil Nengeri (DUN) Ngemah nerima bantu agih belanja Projek Mit Pemansang Menua Pesisir (MRP) penyampau RM824,000.

Nya nyengkaum pengari ari Komiti Pengelikun enggau Pemansang Genturung Pendiau (JKKK), Gerempung Apai Indai enggau Pengajar (PIBG), gerempung, kelab enggau penerima bantu bah.

Pengawa nyua chek bantu MRP nya diatur ba Balai Opis Pelilih Kanowit empai lama sereta dipejadi ADUN Ngemah, Anyi Jana.

Lebuh bejaku ba pengawa nya, Anyi madah, chek MRP nya ari sesyen Renggat 3/2023 ba taun tu ti diatur berenggat.

Nya alai, iya ngemerat pemesai guna lurus ati ba pengawa ngena agih belanja nya.

“Agih belanja tu meseti dikena ngena chara engkeman lalu meseti bisi perambu silik ngambi agih belanja tu enda tebasau ngapa,” ku iya nyemetak.

Ba lansa bukai, iya madah, lebih 30 Program Transformesyen Menua Pesisir (RTP) 2022 ba sitak DUN Ngemah.

“Sekeda projek tu udah tembu lalu ti bukai benung dipejalai.

“Ungkup projek RTP 2023, lebih 40 projek RTP udah dirintai ba DUN Ngemah,” terang iya.

Anyi madah, projek RTP 2023 DUN Ngemah deka dipejalai pengudah bala Opis Residen Sibu baum enggau ejensi pengatur bekaul.

Sama datai, Sapit Chairman Parti Rayat Sarawak (PRS) Pampang Ngemah, Ramba Resang sereta bala tuai komuniti bukai ba sitak nya.

BERITA LAIN

BERITA TERBARU

Presiden Rusia tawa perdamaian bersyarat kepada Ukraine

MOSCOW, Rusia: Presiden Rusia, Vladimir Putin, semalam mencadangkan perdamaian kepada Ukraine dengan menggariskan syarat-syarat Rusia untuk menamatkan serangan dan memulakan rundingan damai, lapor Agensi Anadolu