KUALA LUMPUR: Awak endur bala tuai parti politik enggau gempung parti politik mantaika gempung parti politik ti numbuhka perintah baru enggau chalun Menteri Besai diberi nyentuk pukul 2 lemai pagila.

Datuk Pengelola Bijaya Diraja Istana Negara Datuk Seri Ahmad Fadil Shamsuddin madahka pekara nya udah dikemendarka Yang di-Pertuan Agong Al-Sultan Abdullah Ri’ayatuddin Al-Mustafa Billah Shah ari peminta tuai parti politik enggau gempung parti politik ti diterima Istana Negara sehari tu.

“Seri Paduka Baginda minta enggau ngelalau semua rayat sabar enggau jenuh dulu nyentuk pengawa numbuhka perintah baru enggau nganjung nama chalun Menteri Besai tembu dikereja,” ku iya ba sebengkah penerang tadi.

Ahmad Fadil madahka Al-Sultan Abdullah mega ngingatka kitai ke alai pejalai atur pengawa perintah menua agi baka selama ari pegai Menteri Besai Sementara tauka “Caretaker Prime Minister”.

Pekara nya ku iya dipejalai bepelasarka prinsip ti dirintai ungkup perintah sementara.