ARTIKEL

Akaun 3 KWSP deka dibantai ba ujung bulan April tu

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Akaun 3 Gerempung Wang Turu Pengereja Pengawa (KWSP) disadang dibantai ba ujung bulan April tu.

Penerang ari sebuah surat berita nasional madahkah Akaun 3 tauka ‘akaun fleksibel’ disadang dilanchar ba ujung bulan tu tang haribulan apin diputus.

Nangkan nya, penerang sebaka madah, pengawa nusun baru nya ila deka ngemataka Akaun 1 KWSP diberi nama Akaun Pinchin, Akaun 2 diberi nama Akaun Pengelantang sereta ngaga Akaun 3 ti baru tauka ‘akaun fleksibel’.

Akaun kaban KWSP ti beumur 55 taun enggau biak agi ari nya deka ditusun baru ari dua akaun nyadi tiga akaun berengkah ari 11 Mei tu ila.

Naka diatu, ungkup kaban KWSP ti berumur baruh 55 taun, 70 peratus duit simpan sida dipasuk ba Akaun 1 lalu 30 peratus dipasuk ba Akaun 2.

Laluh ti endang udah bisi ba kededua akaun nya deka diteju.

Tang pengudah Akaun 3 berengkah diterit, duit simpan ti baru deka dibagi ngagai 75 peratus dipasuk ba Akaun 1, 15 peratus ba Akaun 2 enggau 10 peratus ba Akaun 3.

“Kaban KWSP ulih milih mindahka duit ari Akaun Pengelantang ngagai akaun fleksibel nengah siti chara lalu sida diberi timpuh nyentuk 31 Ogos 2024 milih nyimpan sekeda penyampau tumu ba akaun fleksibel,” ku penerang nya.

Raban nya dikemendar nyimpan sekeda penyampau tumu berengkah ari bulan Mei nyentuk Ogos ti deka nyadi renggat ngumpul.

Ungkup kaban ti milih enda ngengkah sekeda penyampau tumu ba Akaun 3 sida, laluh duit sida deka bepun ari kusung nyentuk duit simpan baru sida dipasukka dalam akaun nya.

Duit simpan ari akaun fleksibel ulih diambi kaban KWSP sebarang maya lalu penyampau ti ulih diambi minimum RM50.

Sida ti ngembuan duit simpan ti baruh ari RM3,000 ba Akaun 2, RM1,000 ari penyampau nya deka dipindah ngagai akaun fleksibel.

Ngelansa senentang pengawa ngagihka baru duit simpan ti endang udah bisi ba Akaun 2, bisi dipadah satu pertiga ari duit simpan ulih dipasuk ba Akaun 3 lalu satu perenam deka dipasuk ba Akaun 1 sereta laluh nya diteju ba Akaun 2.

Dividen EPF mega dipelaba deka diteju ba tikas sebaka taja pen Akaun 3 udah ditumbuh.

Ba taun nyin kemari, raban KWSP bisi madahka Akaun 3 deka nyadi akaun nyimpan lalu kaban KWSP ulih ngeluarka duit simpan sida sebarang maya.

Perambu mantaika akaun nya dikena nampung sebarang guna bekaul pekara wang tauka mutar sebarang penanggul ngenyit pekara wang.

BERITA LAIN

Jaga manah ‘Kumang Menua’ kitai

KUMANG ba budaya kitai Iban chukup besai bendar reti lalu nya ngenang pemajik, pemintar, pemanah budi basa enggau status siku indu dara. Nya alai, ukai

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU

Generasi masa hadapan harus dilibatkan dengan STEM

KUCHING: Generasi masa hadapan harus dilibatkan dengan bidang sains, teknologi, kejuruteraan dan matematik (STEM) pada usia muda. Menteri Pendidikan, Inovasi dan Pembangunan Bakat, Datuk Seri