ARTIKEL

Akta Hak Cipta besai reti dikena nyeliah orang bukai beambi ulih

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Raban pemain industri seni patut nemu reti Akta Hak Cipta dikena nentuka orang bukai enda sepeneka ati beambi ulih ba karya sida.

Penulung Pemesai Penguatkuasa Opis Menteri Dagang enggau Pekara Penguna (KPDNHEP) Sarawak Maruni Langga madahka reta intelek sebagi ari karya ti nadai tatak.

“Seni tu pekara ti abstrak laban seni ulih ngelui ari runding kitai, realiti dunya nyata.

“Seni mega ulih dijual, digadai, dilisin enggau ditampung, nya alai genap iku kitai bisi karya seni patut nemu sekeda undang-undang bekaul baka ngerejister Statutory Declaration (SD),” ku iya.

Maruni bejaku munyi nya lebuh webinar Music Right Sarawak Berhad (MSRB) senentang Bagaimana Akta Hak Cipta Melindungi Pengkarya ti diatur malam, ensana.

Langga mega meragam dudi hari, asil karya seni di menua tu enda deka dipasukka ba dalam CD, DVD tauka VDC.

“Diatu, orang mayuh udah nganjung asil karya ba atas tali arus baka ‘youtube’ enggau ‘facebook’.

“Nyema konten ti dipasuk nya nadai minta pemendar, pekara nya salah ari sukut undang-undang.

“Nya kebuah, lebuh ngusung panggung wayang kitai enda dikemendarka ngerikod filem ti dipeda,” ku iya.

Ku iya, pemendar tau dipinta ngagai pengempu asil karya ngena chara surat betulis.

“Surat nya deka dibalas orang ti ngempu karya nitihka syarat ti dipinta iya baka mesti nyebut nama sebedau belagu tauka pekara bukai.

“Pekara baka tu ngasuh SD beguna endar laban nyema nadai SD, orang ti nengkebang karya seni nya deka lebu. Kebuah pia, ari sukut undang-undang iya nadai hak ngempu,” ku iya.

Iya nyemetak madahka, pekara tu deka lebih muntang nyema penengkebang diarika sebuah organisasyen berkanun.

“Organisasyen berkanun tu ti deka magi bayar royalti ngagai kita nitihka setuju.

“Aku ngelalau semua raban seni ngambika ngerejister diri ngagai sebuah organisasyen berkanun ti diberi kuasa ari KPDNHEP ngumpul royalti kita,” ku iya.

Berebak enggau nya, Chairman Gerempung Armada Anak Seni Sarawak (Aras) ti mega pengari MSRB Gibson Rentap madahka, urung 900 lebih anak seni Sarawak udah ngerejister nyadi kaban MSRB.

“Pekara tu manah laban kitai ulih ngaga karya seumur idup, muzik enda kala ngetu,” ku iya.

Gibson Rentap

BERITA LAIN

BERITA TERBARU